.::||[ آخر المشاركات ]||::. |
| |||||||
 |
| | LinkBack | أدوات الموضوع | انواع عرض الموضوع |
.::||[ آخر المشاركات ]||::. |
| |||||||
|
| | LinkBack | أدوات الموضوع | انواع عرض الموضوع |
09-28-2011, 09:27 AM
| #1 (permalink) |
| :: كاتب مشارك ::  تاريخ التسجيل: Aug 2011 رقم العضوية: 9820 المشاركات: 44
|  قصيدة جديدة لأزهري محمد علي .... عفواً سيدي الحجاج عفوا سيدي الحجاج أزهري محمد علي كلابك والأفاعي الحايمة من روتانا لي أمواج .. كاورت البلد بي حالا .. ... ولا لقت اليقولها جر .. في ناس جيعانة ما قلبت حرف في صاج .. ... في ناس عريانة ما لفحت هدم في الزيفة .. ما طالت ايديها رغيفه .. والسبب المعكر كيفا .. دق بنوتا بالكرباج .. ناس غلبانة بس دغرية .. ما بتعرف تخت طاقية في طاقية .. والدين الحنيف في شرعها الحرية .. زدتها في الحرج احراج .. وزدتها في الدجل دجال .. عوج شفناهو ماسمعناهو في قول زول .. قال بنات دقوها دق العيش .. ولاد ما أندقوا في شبال .. بقت في غصة الأيام .. قيم غنيتا يا قدال .. قيم شلناها عمة وتاج .. رقيص الشامة بت حمدين .. وخت الحنة لي يات من حضور ضفرين .. ونمات العديل والذين .. ورقصة جون مع أوهاج .. مشينا نقدم البنوت على ضو الرتاين .. خفت وهج الغنا الوهاج .. ورحل صوت المغني حزين .. ورطن صوت العنج هراج .. سقط في غفلة نون النسوة .. أخوان البنات والنخوة .. ستار العيوب والرسوة .. شيال الحمول أبعاج .. .. فيا حجاج أكل نارك .. واتلفح بشاكيرك .. مع طلعة شهر زو الحجة .. وأحرم حاج .. وطوف فوق الجثث طاؤوس .. وشعبك لا أكل لا علاج .. وحاج في شنو؟ .. معاك كل البلد هاصت .. وفار نحل الجباية وهاج .. فيا فالق نواة الحبة يافراج .. ويا باسط عجايب الإسرا والمعراج .. ويا خالق الخلايا الحية .. أمشاج ابتلت أمشاج .. طحنتنا طاحونة الفقر .. طحنتنا سنواتا العجاف .. يا الله تلزمنا الصبر والسترة .. والعيش الكفاف .. وترحمنا من صرة وشي .. في وش وليداتنا الضعاف .. .............. غرقان بيرقص منتشي .. ووطنا مقطوع من خلاف .. وبأسم الله ما خلالنا شي .. وفصلنا في آخر المطاف .. يا ناسي أقدار الرجال .. ما تخشى غدر الله وتخاف .. كتر عوج الكلام والميل .. وتحت الجزمة مليون ميل .. تحت الأزمة طاحونة حوافر الخيل .. سقط تلت البلد عفوا .. سقط نص البلد لهوا .. سقط كل البلد سهوا .. فهل صحاك ضمير الأمة في هجعة هوايد الليل .. على زبد الغنا الممحوق؟ .. شنو الخلاك تنوم تحلم على على خرطة وطن مسروق؟ .. وطن في السوق .. وطن أشتر .. مرق من ذمة التاريخ على ذمة كلاب الحر .. ينوم في جبة الدرويش .. يقوم بي بدلة العسكر .. .. فيا ويلك في يوم الويل .. ويا ويلك .. تقوم تحتك قيامة الناس .. أفواج الضحايا .. ستات الكجيك والشاي .. والناس البعرفو شليل .. حشود الطلبة والعمال .. وبنوت الغياب والليل .. طفولة مشردة ونازحين .. وكم حجاج .. يجيك من ديل يجيك من وين .. أولاد الشوارع عووك .. المعدمة ومعدومة .. قطامة وقرضمة وراندوك .. لماضة وطرقت حلقوما .. من كل حتة يجوك .. يوم التسود يوما .. ناسات حكومة الجن .. وناس جنها الحيكومة .. ما طالا الشوارع في .. في ولاد بعرفوا القوما .. ولاد راقدين .. وأولاد اسمها المايقوما .. ديل أولاد شريعة قوش .. المستضعفين في الأرض .. يبنوا ويهدوا عروش .. لا بتخون البعض لابتشتريها قروش .. في كل حته وراك تمرق تلاقي جيوش .. أصدق لسان الحال من نضمك المهبوش .. نفس الولاد جايين من طينة حضارة كوش .. حافظين شعر حميد .. فاهمين قصايد الدوش .. ما تمشي يا محجوب دايرين نظبط بوش .. يا داب عرفنا الصاح .. دخل الكلام الحوش .. وشكرا .. شكرا سيدي الحجاج |
|  |
|
09-28-2011, 09:38 AM
| #2 (permalink) |
| :: كـاتب نشــط ::  تاريخ التسجيل: Jan 2011 رقم العضوية: 4531 المشاركات: 279
| |
|
| |
|
09-28-2011, 10:14 AM
| #4 (permalink) |
| :: كـاتب نشــط :: تاريخ التسجيل: Sep 2011 رقم العضوية: 10353 المشاركات: 384
| شكرا لك أخي زهير |
|
| |
|
09-28-2011, 05:47 PM
| #5 (permalink) |
| :: كاتب مشارك :: تاريخ التسجيل: Jun 2010 رقم العضوية: 295 المشاركات: 112
| الشكر الجزيل للرايع ازهري محمد علي وهو يرسم صورة من صوت الشارع |
|
| |
|
09-28-2011, 09:36 PM
| #8 (permalink) | |
| كـاتب جديد تاريخ التسجيل: Sep 2011 رقم العضوية: 10564 المشاركات: 11
|
اقتباس:
وهل ترك لنا الرجل قولا... شكرا سيدي زهير شكرا سيدي ازهري... اسفٌ جزيل ياوطن | |
|
| |
|
09-28-2011, 10:03 PM
| #9 (permalink) |
| :: كـاتب نشــط :: تاريخ التسجيل: Mar 2011 رقم العضوية: 6271 المشاركات: 785
| الاخ زهير |
|
| |
|
12-01-2012, 07:20 PM
| #11 (permalink) |
| كـاتب جديد تاريخ التسجيل: Jul 2012 رقم العضوية: 15825 المشاركات: 15
| رد: قصيدة جديدة لأزهري محمد علي .... عفواً سيدي الحجاج انتبه الجرح فيني لاهبا الحزن في دواخلي انتبه الاسي علي حال البلد وهتفت حروفك ناهرة الدمع علي اخوة لنا في الانسانية يفترشون الارض ويتدثرون بالسماء فلك الله ياايها الوطن الذبيح وشكرا حزينا ازهري علي ان نبهت الجرح فينا |
|
| |
|
| أدوات الموضوع | |
| انواع عرض الموضوع | |
| |
 |  |
العرض العادي
